పెళ్లి తరువాత అమ్మాయిలు ఎందుకు లావు అవుతారు.

చదువులు ఆయిపోయి  ఉద్యోగాలు వచ్చాక లేక చదువు పూర్తయ్యాక పిల్లల జీవితం ఇక సెటిల్ అవ్వాలి అనుకుంటూ పెద్దలు చేసేది పెళ్లి. ఆడా మగా ఇలా ఇద్దరికి ఇది సహజం అయినా అడవాళ్ళలో పెళ్లి అనేది ఎన్నో మార్పులను తెస్తుంది. మగవాడు మానసికంగా మారితే ఆడవాళ్లు శారీరకంగా మారతారు. పెళ్లయ్యాక 80%మంది అమ్మాయిలు శారీరకంగా చాలా మారిపోతున్నారు. ఇంతకు ఈ మార్పులు ఎందువల్ల ఒకసారి పరిశీలిస్తే….

◆ పెళ్లి అనేది ఇద్దరి మనసుల కలయిక మాత్రమే కాదు, రెండు దేహాలు కలయిక కూడా లైంగిక కారణాలు కూడా అమ్మాయిలలో శారీరక మార్పుకు కారణమవుతాయి. అయితే ఇది కేవలం చాలా తక్కువ కారణం. ఇంతకంటే పెద్ద కారణాలు ఉన్నాయి అవి కూడా చూడండి.

◆ ఆహారంలో అలవాట్లు మారిపోవడం. అమ్మాయి తన పుట్టింటిలో ఉండే ఆహారపు అలవాట్లను ఒక్కసారి మార్చుకోవలసి ఉంటుంది పెళ్లవగానే. అది తప్పనిసరి అని అత్తగారింట్లో ఎవరూ చెప్పకపోయినా అత్తగారింట్లో కుటుంబసభ్యులందరి అభిరుచి మేరకు వండే పదార్థాలను తను కూడా తినాల్సి రావడం, ఆహారంలో తీసుకునే ఉప్పు, కారం, పులుపు వంటి రుచులు కూడా కాసింత అస్తవ్యస్తం అవ్వడం కారణంగా చెప్పవచ్చు. అలాగే కొత్తగా పెళ్లయ్యాక అమ్మాయి తనకొచ్చిన మంచి వంటలు చేసి భర్తకు తినిపించాలని అనుకోవడం. ఇద్దరి మధ్య ప్రేమ ఆప్యాయత వల్ల ఒకరికి ఒకరు తినిపించుకోవడం. ముఖ్యంగా తీపి పదార్థాలు ఎక్కువగా తినడం కూడా అమ్మాయిలు లావు అవ్వడానికి కారణం. ఇంకా కొత్తగా పెళ్లయిన జంట అయితే వీకెండ్స్ లో బయటకు వెళ్లడం జంక్ ఫుడ్ లు, నూనెలో ఎక్కువ వేపిన పదార్థాలు, బేక్ చేసిన పదార్థాలు ఇలాంటి ఫ్యాట్ ఉన్న పదార్థాలు తినడం వల్ల కూడా లావు అవుతారు.

◆ మరొక కారణం ఎక్కువ విశ్రాంతి తీసుకోవడం. నిద్రలేమి కారణంగా పగటి నిద్ర లావు అవ్వడానికి కారణం అవుతుంది. దానికి తోడు ఇంటి పనులు అన్ని ముగించుకునేసరికి అలసట వల్ల కూడా నిద్ర పోవడం ఎక్కువ అవుతుంది. దీనివల్ల రోజు ఉదయం సాయంత్రం వేళల్లో ఎప్పటిలా చేసే కాసింత వ్యాయామాలు కూడా కుంటుపడతాయి.