ప్రస్తుత కాలంలో అందరికీ నిద్రలేమి సమస్య చాలా ఎక్కువగా ఉంది. దానికి కారణం పని ఒత్తిడి, ఆర్థిక సమస్యలు, అనారోగ్య సమస్యలు ఇలా ఎన్నో కారణాలు ఉన్నాయి. ఈ మధ్యకాలంలో ఫోన్లు ఎక్కువగా ఉపయోగించడం వలన కూడా నిద్రలేమి సమస్య వస్తుంది. అన్ని సమస్యలను తగ్గించుకోవడానికి రకరకాల మందులను ఉపయోగిస్తూ ఉంటారు కొంతమంది అయితే నిద్రమాత్రలు కూడా వేసుకుంటారు. కానీ నిద్ర మాత్రలు ఉపయోగించడం వల్ల కాలక్రమేణా సమస్యలు వస్తాయి.
ఎటువంటి మందులు ఉపయోగించకుండా ఈ చిన్ని చిట్కాలతో నిద్రలేమి సమస్యను తగ్గించుకోవచ్చు. నిద్రలేమి సమస్యలు తగ్గించుకోవడం కోసం హాస్పిటల్స్ చుట్టూ తిరిగి లక్షలకు లక్షలు ఖర్చు పెట్టాల్సిన అవసరం లేదు. కేవలం 10 నుంచి 20 రూపాయల ఖర్చులోనే గాఢనిద్రను కలిగించే వాటిని కొనుక్కోవచ్చు. అవేంటో ఇప్పుడు మనం తెలుసుకుందాం. కర్బూజా గింజలు ఇవి అందరికీ తెలిసే ఉంటాయి. ఇవి మార్కెట్లో, కిరాణా షాప్ లలో, సూపర్ మార్కెట్లో ఎక్కడపడితే అక్కడ సులభంగా దొరుకుతాయి.
వీటి ఖరీదు కూడా తక్కువగా ఉంటుంది. వీటిని ఫ్రెష్ గా ఉండే వాటిని తెచ్చుకోవాలి. రోజుకు ఒక చెంచా ఖర్బూజా గింజలను తీసుకుని డ్రై పాన్ లో వేసుకుని రంగు మారే వరకు లో ఫ్లేమ్ లో పెట్టి దగ్గరుండి వేయించుకోవాలి. తర్వాత స్టవ్ ఆఫ్ చేసుకోవాలి. ఒక గిన్నెలోకి తీసుకుని రాత్రి భోజనం చేసిన తర్వాత పడుకోవడానికి ముందు ఈ
గింజల్ని కూర్చొని రెండు రెండు చొప్పున నెమ్మదిగా నములుతూ తినాలి. తర్వాత ఇంకొక గిన్నె తీసుకొని ఒక చెంచా గంధపు పొడి వేసుకుని కొంచెం నీళ్ళు పోసి అప్లై చేసుకోవడానికి వీలుగా ఉండే విధంగా కలుపుకోవాలి.